Младата пејачка Деми Ловато никогаш не криела дека се бори со несигурност поврзана за своето тело, а на фановите редовно им признаваше дека си има мака.
24-годишната ѕвезда сакаше да ги охрабри бројните обожаватели сами да се изборат со својата несигурност, па затоа објави фотографија од својот стомак.
„Ретко објавувам фотографии на кои ми се гледа папокот, бидејќи не сум доволно самоуверена да го покажам целиот стомак, но во последно време многу вежбам. Гледам напредок па се решив да ја објавам фотографијата бидејќи сега се чувствувам добро“, напиша Ловато.
Деми во минатото се бореше со пореметување во исхраната и зависност од дрога. Нејзините проблеми почнаа во пубертет. На само 18 години се пријави на рехабилитација, а ја победи и булимијата.
„Живеев брзо и требаше рано да умрам. Мислев дека нема да доживеам 21“, рече пејачката.
