Диск голф го освојува светот, а го нема во Македонија!? ↓↓↓
Австралијката Дана Вулин во 2012 година со метил алкохол беше запалена од Натали Димитровска, Македонка од Австралија, која се сомневала дека има афера со нејзиниот сопруг.
Неколку недели претходно, љубоморната Натали и се јавувала на телефон на Дана, која наводно и била пријателка, ја нарекувала со погрдни имиња и и се заканувала, обвинувајќи ја дека има афера со нејзиниот сопруг.
Проблемите почнале една ноќ во февруари 2012, кога љубоморната Македонка влегла во станот на Дана да си го бара сопругот, кој не бил таму. Следната вечер, откако зела амфетамини, Натали се вратила во станот на Дана. Двете почнале да се расправаат по што додека Вулин во рацете држела ламба со отворен оган Димитровска кон неа фрлила шише со метилалкохол.
И изгореле две третини од телото, а завршила со изгореници од трет степен. Десетина дена била во кома, но успеала да закрепне, благодарејќи на брзата лекарска интервенција но и на потресената јавност во Австралија, која преку социјалните мрежи, добротворни концерти и други настани успеа да собере пари за лекување на Вулин.
Димитровска побегна во Македонија, каде набрзо беше уапсена и во 2013 година осудена на 17 години затвор. По апсењето и за време на судењето Димитровска тврдела дека реагирала во самоодбрана бидејќи Вулин неа ја нападнала.
