Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Зборувајќи за време на брифингот за воените аташеа и другите странски дипломати во понеделникот во Москва, рускиот заменик-министер за одбрана Александар Фомин го обвини НАТО дека се подготвува за сеопфатна војна со Русија.
„Воениот развој на блокот е целосно пренасочен за да се подготви за обемен високоинтензивен оружен конфликт со Русија“, рече Фомин.
Подготовките се одвиваат паралелно со проширувањето на воените капацитети на блокот, а се одразува и во програмските документи на НАТО каде што Москва е недвосмислено именувана „како главен извор на закани за безбедноста на коалицијата“, истакна Фомин. Во исто време, постарите документи, вклучително и Римската декларација од 2002 година, со која се утврдува дека Русија и НАТО не се сметаат меѓусебно за противници, остануваат во сила, додаде тој.
Постојано студените односи меѓу Русија и Алијансата уште повеќе се влошија во последните месеци. Во октомври Москва соопшти дека ќе ги прекине сите директни врски со НАТО, затворајќи ги неговите канцеларии во Москва како одговор на протерувањето осум руски дипломати од нејзиното седиште во Брисел.
Во почетокот на декември, рускиот претседател Владимир Путин ја изнесе идејата за сеопфатен, правно обврзувачки договор за безбедност со Западот. Предлогот веќе се материјализира во два нацрт-документи, еден за САД и посебен за НАТО како целина. Предложениот договор предвидува запирање на проширувањето на НАТО кон исток и содржи гаранции за нераспоредување одредени оружени системи во Европа.
Нацрт-договорот е дизајниран да им биде од корист и на Русија и на НАТО, рече Фомин, изразувајќи надеж дека блокот доволно брзо ќе се подготви конструктивно да разговара за безбедносните предлози.
„Веруваме дека овој договор е развиен во интерес и на Русија и на Европа како целина. Очекуваме сериозен, конструктивен разговор“, им рече тој на дипломатите. „Чекаме алијансата да даде суштинска реакција на нашите предлози и подготвени сме да ги почнеме преговорите во секој погоден момент.“
