Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Британските медиуми шпанското одморалиште Магалуф често го нарекуваат „европска Содома и Гомора“ бидејќи тоа е местото кое младите Британци со години го одбираат за див провод, лумпување, бесни журки и аздис.
На тој шпански остров властите одлучија да ги забранат сите „all-inclusive“ понуди кои вклучуваат бесплатен алкохол, сè со цел да го обелат образот на нивниот остров и да му го „исчистат имиџот“ како летувалиште. Градските челници заклучиле дека пијаните туристи создаваат лоша слика за таа област, а се покажало дека после таа мерка, интересот за Магалуф паднал за дури 49 насто.
На состанокот кој бил одржан во локалното градско собрание било заклучено дека решението за повторно привлекување туристи е удар на „туризмот на пијанчење“ во кој предничат Британците. Поради тоа, градската управа, која опфаќа 18 туристички зони на островот, забрани хотелски и други понуди кои вклучуваат бесплатен алкохол.
Сопственикот на едно локално кафуле за Daily Star изјави дека Магалуф привлекува ситни криминалци токму поради имиџот на место каде луѓето масовно се опиваат. „Кај нас таквото опивање не значи дека луѓето мат да се забавуваат и добро да си поминат“, вели тој.
Но, британските турстички агенции тврдат дека токму таквите понуди се клучни за привлекување туристи. Портпаролот на една агенција за британските медиуми изјави дека дури 23 насто од луѓето резервираат „all-inclusive“ понуди при организирање на летниот одмор и дека за таквите понуди најзаинтересирани се младите луѓе, тазе брачните парови и пресно формираните семејства.
