Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Претседателот на Федералните резерви, Џером Пауел, во изјава која ја даде во понеделникот апелираше дека крипто-валутите остануваат нестабилни чувари на вредноста и дека централната банка не брза да воведе конкурент.
„Тие се многу непостојани и затоа не се многу корисни залихи на вредноста и не се поддржани со ништо“, рече Пауел за време на дискусија на виртуелен панел за дигитално банкарство организирана од Банката за меѓународни порамнувања.
„Тоа е повеќе шпекулативно средство кое во основа е замена за златото, а не за доларот“, рече тој, пренесува CNBC.
Пауел зборуваше на денот кога биткоинот доживеа корекција, но сепак се тргуваше по цена од околу 57.000 американски долари. Криптовалутата нагло се зголеми во текот на изминатите седум месеци во услови на наплив на тргувањето и со растечко прифаќање во финансиската индустрија.
Во последните неколку години, ФЕД работеше на сопствен систем на плаќање што овозможува побрзи трансфери на пари, а промовирањето на крајниот производ најверојатно ќе се случи во следните две години.
