Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Претседателот на Кина Си Џинпинг ја заврши својата официјална посета на Русија.
Џинпинг и Путин беа снимени како топло се збогуваат на крајот од дводневната средба во Москва, која заврши вчера. Кинескиот лидер при заминувањето му рекол на рускиот претседател дека „во светот се во тек геополитички промени“.
Двајцата лидери повикаа на „одговорен дијалог“ за решавање на украинската криза, при што Си призна дека Пекинг и Москва потпишале договор што ги доведува нивните врски во „нова ера“ на соработка.
„Во моментов доаѓа промена каква што не сме виделе 100 години – и ние сме тие што ги поттикнуваме овие промени заедно“, му рече Си на Путин додека стоеше пред портите на Кремљ. Рускиот претседател одговори: „Се согласувам“.
Си потоа се ракуваше со Путин и му рече: „Чувај се, те молам, драг пријателе“. Путин одговори само со: „Среќен пат“.
“Right now there are changes, the likes of which we haven’t seen for 100 years,” Mr. Xi told Mr. Putin through an interpreter after the state dinner as the leaders bid farewell. “And we are the ones driving these changes together.” pic.twitter.com/0Q9cGfWLKl
— Valerie Hopkins (@VALERIEinNYT) March 21, 2023
Во отсуство на напредок во однос на Украина, самитот првенствено имаше за цел да ја покаже силата на односите меѓу Русија и Кина, во контекст на зголемените тензии меѓу овие земји и Западот, наведува агенцијата „Франс прес“.
Во заедничката изјава со призвук од Студената војна, двајцата лидери го нападнаа Западот, обвинувајќи ги Соединетите Држави за „поткопување“ на меѓународната безбедност за да ја задржат својата „воена предност“ и изразија „загриженост“ за зголеменото присуство на НАТО во Азија.
