Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Македонскиот пасош котира на 36. место на листата со патни исправи на светските земји според нивната вредност која се одредува според тоа колку лесно може да се патува со еден пасош низ светот, покажува рангирањето што го направила интернет страницата Паспорт индекс за 2018 година.
Со македонски пасош слободно може да се влезе во 77 земји, додека за 41 земја визата се издава веднаш при влегувањето. За носителите на македонски пасоши потребна е виза за патување во 80 земји.
Од земјите во регионот пасош со кој најлесно се патува има Грција која е на петто место, Словенија е на седмото место, Бугарија е на 10-то место, Хрватска на 11-то, по неа е Србија на 31 место, Црна Гора на 38, Босна и Херцеговина на 40, Албанија на 43 место, а најслабо рангирано е Косово на 81. место.
На прво место на ранг листата е пасошот на Обединетите Арапски Емирати, чии граѓани можат без визи да патуваат во 113 земји, а второто го делат Германија и Сингапур, чии држајани без виза влегуваат во 127 земји.
На дното на листата од вкупно рангирани 199 земји се Сирија, Пакистан, Ирак и Авганистан, кои без визи можат да патуваат во помалку од девет држави во светот.
