Александар Вучковски - сомелиер: Како македонските вина го освојуваат светот? ↓↓↓
Внесувањето на калории во организмот е фактор кој истовремено влијае и позитивно и негативно на нашето функционирање и здравје. Нормално, тоа зависи од количината на калории која ја внесуваме во нас преку исхраната.
Дневно треба да се внесуваат најмногу 1.800 калории, покажа новата британска студија. Досегашната препорака беше дека жените дневно треба да внесуваат 2.000 калории, а мажите 500 повеќе.
Меѓутоа, Институтот за јавно здравје на Англија покрена кампања, која го застапува правилото „400-600-600“, што значи ограничување од 400 калории за појадок и по 600 за ручек и вечера. Ваквото правило дозволува и две здрави ужинки дневно од по 100 калории, или вкупно 1.800.
Институтот соопшти дека сега, возрасните конзумираат 200-300 калории повеќе отколку што би требало.
– Со децении е познато дека на активните луѓе дневно им се потребни меѓу 2.000 и 2.500 калории за да ја одржат својата тежина. Ваквата кампања не е заснована на докази, туку е лага која треба луѓето да ги натера помалку да јадат, изјави Кристофер Сноуден од Институтот за економски прашање.
Последните податоци покажаа дека Британците се шеста најдебела нација во светот.
