Диск голф го освојува светот, а го нема во Македонија!? ↓↓↓
Одборот за законодавство на Европскиот парламент изгласа нов Закон за авторски права кој може да го уништи интернетот таков каков што го знаеме.
Член 11 одвај помина
Најспорните делови од реформите за авторски права се членовите 11 и 13. Иако многумина, дури и членовите на Европскиот парламент, се противат на тие членови, истите беа изгласани со 13 гласа ЗА, 12 ПРОТИВ за членот 11, односно 15 гласа ЗА и 10 ПРОТИВ за членот 13.
Членот 11 се занимава со „помошните авторски пава“ и таканаречениот „данок за врски (линкови)“, што значи дека било која интернет страна која објавува исечоци и извадоци од новинарска онлајн содржина, мора прво да добие лиценца од издавачот, сè до 20 години после објавата на оригиналната содржина.
.@EP_Legal has adopted both Article 11 (#linktax) and Article 13 (#CensorshipMachines). It’s a dark day for the open web, but the fight will continue in the upcoming plenary vote in the European Parliament. #SaveYourInternet #SaveTheLink #FixCopyright
— Creative Commons (@creativecommons) June 20, 2018
Тоа се однесува на социјалните мрежи како Фејсбук, Твитер и Редит, кои со линкови објавуваат „thumbnails“ со фотографии и извадоци, но и други стратници како веб агрегатори на вести, апликации за вести или страници за проверување на факти.
Членот 13 кој за одговорноста за контролата за користење авторски содржини во целост ја префрла на поединечни интернет страници, притоа ја воведува идејата за атоматски филтер на содржини кој „де факто“ ќе забрани користење на популарните „мемиња“ како Grumpy cat, но и цитати од Википедија и разни други содржини кои се вообичаен и неизбежен дел од интернет комуникацијата.
Така, на пример, страниците на кои корисниците прикачуваат фотографии ќе мора на барање да ги скенираат сите моменти и идни фотографии и да проверат дали има кршење на авторски права.
Истото ќе важи и за музиката објавена без авторски права на YouTube, што значително ќе го измене начинот на кој функционира оваа платформа. Иако оваа мерка значи дополнителен трошок за Гугл, Фејсбук и Твитер, многу посериозни се последиците за помалите страници кои немаат ресурси за надзор на содржините кои ги споделуваат корисниците кои ги имаат овие интернет гиганти.
We can still win! Next steps for the #CopyrightDirective https://t.co/UcYZWbEdWw #SaveYourInternet #FixCopyright #CensorshipMachine pic.twitter.com/UpH0Ib8Hy4
— EDRi (@edri) June 20, 2018
Членот 13 не предвидува правни санкции за проблемите кои можат да настанат поради грешки на автоматските филтри, поради што се поставува прашањето како ќе се решаваат постапките на погрешни отстранувања на содржини од интернет.
Уште не е готово, но…
Оваа одлука не значи автоматски дека сè е готово и дека новиот закон ќе стапи на сила. Таа, всушност, го потврдува стојалиштето на Европскиот парламент за реформите на авторските права пред да влезат во завршна фаза на законодавниот процес. Но, пред тоа противниците ќе можат да бараат да се одржи пленарна седница на парламентот, на која сите пратеници (вкупно 751) ќе гласаат за законот.
Веќе е започната кампања за одржување на таквата седница. Како ќе заврши сето ова, засега не е познато, но противниците на овој закон ги повикуваат граѓаните да се обратат до парламентарците од своите земји и да ги натераат да го чујат нивниот глас.
