Диск голф го освојува светот, а го нема во Македонија!? ↓↓↓
„Google Assistant“ е виртуелна асистент апликација која работи на база на вештачка интелигенција и е достапна за сите смартфони со Android 6.0 или повисока софтверска платформа.
Услугата е легитимен одговор на компанијата на популарните понуди, како што се „Siri“ и „Amazon Alexa“.
Во случај ако сте го тестирале „Google Assistant“ веројатно сами сте се убедиле колку е лесно да откривате содржина, да испратите порака, да поставите алармот, додадете настани во календарот и друго само со вашиот глас.
Компанијата сега верува дека до крајот на годината ќе дозволи 95 проценти од уредите на Android да ја користат услугата. Претстојното ажурирање, исто така, значително ќе го зголеми бројот на јазици поддржани од „Google Assistant“, објави „TechCrunch“.
Во моментов, виртуелниот асистент е во состојба да ги разбере зборовите на осум јазици, но до крајот на 2018 година ќе работи на повеќе од 30 јазици. Тие вклучуваат дански, холандски, шведски, норвешки, хинду, неколку кинески дијалекти и други.
На овој начин, „Google“ се надева дека ќе добие важна предност над своите конкуренти, бидејќи бројот на луѓе кои користат Аndroid е многу поголем од сопствениците на iOS уредите и звучниците на „Amazon Echo“. Компанијата ќе продолжи да го проширува опсегот на функционалноста на „асистентот“ за да го направи уште покорисен за корисниците.
Како заклучок, ќе забележиме дека „Siri“ на „Apple“ засега разбира 20 јазици, а „Alexa“ само англиски, германски и јапонски.
