Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Организаторите на музичкиот фестивал „Егзит“, на официјалната Фејсбук страница на фестивалот, објавија дека неговото издание за 2020 година е откажано заради состојбата со коронавирусот.
„Бидејќи здравствената состојба во нашата земја не се подобри од нашето последно обраќање, а имајќи предвид дека здравјето и безбедноста на сите учесници на фестивалот се наш приоритет број еден, ве информираме дека прославата на 20 години од Егзит фестивалот дефинитивно нема да се одвива од 13 до 16. август годинава на тврдината Петроварадин “, пишуваат организаторите.
Тие понатаму објаснија дека ќе ги објават датумите за фестивалот за 2021 година до крајот на месецот.
„Новото менување на датумот на фестивалот е обемен и сеопфатен процес, за кој е потребно време, затоа ве молиме да бидете трпеливи. Датумите за Егзит 2021 ќе ги објавиме до крајот на месецот, а известување за апликациите и опциите за наплата ќе пристигнат наскоро. Да се грижиме едни за други “, напишаа тие.
На прашањето на следбеник дали луѓето кои веќе купиле билети за оваа година ќе можат да добијат билети за следната година, одговорија потврдно.
„Така ќе биде. Повеќе информации наскоро“, одговориле тие.
