Home Актуелно Еден куп основни производи од денеска поскапуваат за 10%

Еден куп основни производи од денеска поскапуваат за 10%

По само две недели откако македонската Влада донесе одлука за намалување на цените на основните прехранбени производи, од денеска повторно скок на цените во маркетите.

Иако првично беше најавено дека со повисока стапка од 10 насто ќе бидат само перките од ајкула, чија-семето, тартуфите, сирењето со мувла, сепак луксуз ќе бидат и над илјада артикли меѓу кои, брашното, џигерот, сладоледот, сите видови замрзната риба, освен осличот, пастрмката и пангата, замрзнатите теста, сирењето и урдата.

Тоа значи дека трговците ќе треба да ја применат новата стапка на Данокот на додадена вредност од 10 отсто, наместо најниската од пет отсто.

На списокот се и лутеницата, цвеклото, фефероните, мајонезот, сите видови апетисани, компоти, конзервираната храна.

Поскапува и храната за децата, гризот, овесните снегулки, муслите, сладоледот, еурокремот, сите видиви бонбони, чипсот, сите чаеви, тропското овошје, сите видово сушено овошје, сусамот, сончогледот, инстант кафињата, наполитанките, црниот бибер, мастиките, најголем дел од зачините.

Како што е познато, во Собранието деновиве поминаа измените со кои се овозможи примена на нова данопчна стапка на ДДВ од 10 отсто, покрај основната од 18 отсто и повластената од пет отсто. Со зголемување на ДДВ-то, во буџетот власта очекува да се соберат дополнителни 70 милиони евра.

Вчитај повеќе поврзани статии
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…