Диск голф го освојува светот, а го нема во Македонија!? ↓↓↓
Македонското Јавно претпријатие за државни патишта веќе објави оглас за вработување на работници до 2028 година за проектот за изградба на четирите автопати на изведувачот „Бехтел и Енка“ на коридорите 8 и 10д.
Според огласот, ЈПДП ќе ангажира работници според нивниот правилник, а тоа значи работна недела од 40 часа неделно, а не како што било договорено со „Бехтел и Енка“ за 60 часовна работна недела.
Рокот за пријавување е 25 април.
Јавното претпријатие бара помошник на главниот и одговорен координатор на проектот, кој треба да биде градежен инженер за основна плата од 70.052 денари; координатор на единицата за подготовка на проектот со завршен фалкултет од општествените науки за нето-плата од 60.005 денари; координатор на единицата за техничка изведба на проектот кој треба да биде градежен инженер за 65.029 денари…
Се бараат и специјалисти за експропријација на имот, преведувач, известувач за проектот, администратори со средно образование, возачи, специјалисти за инвестиции и градба на патишта, урбанист, геодет, двајца специјалисти за подготовка, изработка и следење на проектна документација, електроинженер, сообраќаен инженер…
