Александар Вучковски - сомелиер: Како македонските вина го освојуваат светот? ↓↓↓
Дресот кој веројатно најдобриот кошаркар на сите времиња, Мајкл Џордан, го носеше на првиот натпревар од финалето на НБА во 1998 година, е продаден на аукција за 10,1 милиони долари, со што стана најскапото парче спортска облека во историјата носено на натпревар.
Претходниот рекорд беше поставен на почетокот на оваа година, кога дресот на аргентинскиот фудбалер Диего Марадона, кој го носеше на мечот против Англија во четврт-финалето на Светското првенство во Мексико во 1986 година и со кој го постиган голот познат како „Божја рака“, беше продаден за 9,3 милиони долари.
A record-breaking day. Michael Jordan’s iconic 1998 NBA Finals ‘The Last Dance’ jersey has sold for $10.1 million, setting records for a basketball jersey, any game-worn sports memorabilia, and most valuable #MichaelJordan item ever sold at auction. pic.twitter.com/7t8G98N5pW
— Sotheby’s (@Sothebys) September 15, 2022
„Неколку недели откако ја објавивме аукцијата имаше голем интерес, не само од љубителите на спортот туку и од колекционерите кои сакаа да поседуваат ретко парче историја“, рече Брем Вахтер, еден од најистакнатите аукционери и модерни колекционери.
Се предвидуваше дека дресот на Џордан ќе достигне три до пет милиони долари, но сумата ги надмина сите очекувања.
Во финалето на НБА во 1998 година, предводени од Џордан, „Чикаго Булс“ ги победија „Јута Џез“ со 4:2 и така освојувајќи ја својата шеста титула.
