Диск голф го освојува светот, а го нема во Македонија!? ↓↓↓
Според статистичките податоци со кои располага престижниот Forbes, вкупното богатство на 25-те најбогати луѓе во светот се зголеми за 255 милијарди американски долари.
За основачот на „Фејсбук“, Марк Закерберг, оваа година, иако беше одбележана со кризата предизвикана од коронавирусот, беше исклучително успешна поради зголемувањето на цените на акциите на компанијата. Богатството на милијардерот се зголеми за 31 милијарди долари на 86,5 милијарди долари.
Како резултат на ова, Закерберг стигна до четвртото место на листата на најбогатите луѓе во светот. Во април, тој се најде на седмото место на тој список.
Основачот на „Амазон“, Џеф Безос, кој во моментов е најбогат човек на планетата, заработи 29,9 милијарди долари во последните два месеци. Неговото богатство се проценува на 146,9 милијарди долари.
Коосновачот на „Мајкрософт“, Бил Гејтс заработи 11,9 милијарди долари, со што неговото богатство достигна 106,5 милијарди долари.
Во последните два месеци, своето богатство го зголемија и Бернар Арно, извршен директор на француската групација „Моет Хенеси Луис Витон“ (ЛВМХ), шефот на инвестицискиот фонд „Беркшир Хатавеј“, Ворен Бафет, еден од основачите на компанијата „Оракл“, Лери Елисон, поранешниот шеф на „Мајкрософт“, Стив Балмер и еден од основачите на „Гугл“, Лери Пејџ.
