Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Апостол Симовски, директор на Заводот за статистика, категорично тврди дека пописот на населението во Македонија нема да се одложи и ќе се спроведе во месец април. Тој денес, на средба со новинарите, ја објасни методологијата и посочи дека Законот за попис, во кој се вметнати сите пописни рокови, доследно ќе се почитува, пренесува Слободен Печат.
Во оваа статистичка операција што треба да се одржи од 1 до 21 април, ќе учествуваат најмалку 1.500 попишувачи, вклучувајќи и одреден број од нив како резервни, како и 50 пописни комисии. Еден месец претходно, од 1 во 15 март, ќе се попишуваат лицата што работат во дипломатско-конзуларните претставништва, воените претставници во странство, но и објектите што се во државата, а се тешко достапни за попишувачите, затворениците, бездомниците, лицата со попреченост. Од 1 до 21 април ќе се попишат сите други државјани на Македонија. Со пописот ќе се прибираат податоци и за лицата отсутни во странство повеќе од една година, со цел да се добијат порелевантни податоци за бројот на отселените лица од земјата.
Во однос на коронавирусот, Симовски рече дека е можно пописот да се одржи и надвор од становите, на отворено.
– Тие што ќе имаат ковид-19 или ќе бидат во изолација, ќе се попишуваат според протоколи од Министерството за здравство – рече Симовски.
Апликацијата за попис на граѓани што живеат надвор од Македонија, нема да дозволи неточни податоци, но за овие лица податоци ќе може да дадат и друго лице, под услов само ако го познава добро.
– Апликацијата за во странство е готова и ќе биде во функција од 1 март. Таа е максимално безбедна и ниту едно лице во Македонија не може да се вклучи во неа. Ќе биде можно вклучување само од странство со посебна процедура и се преземени сите мерки таа да биде безбедна. Не е можно да се дадат одговори на сите прашања, ако не го познаваат добро, а тие се и лесно проверливи. Услов за самопопишување на оваа категорија лица, како и на членовите на нивните домаќинства/семејства е единствениот матичен број (ЕМБГ) – рече Симовски.
Во оваа статистичка операција што треба да се одржи ќе учествуваат 1.500 попишувачи, вклучувајќи и одреден број од нив како резервни, како и 50 пописни комисии. Целта на пописот на становите е да се добијат податоци за структурата на станбениот фонд, т.е. да се утврди бројот на становите и да се добијат податоци за нивната искористеност, површината, бројот на соби, опременоста со помошни простории, опременоста со електрични инсталации, водовод и централно греење, потоа нивната година на изградба, катноста. Од пописот треба да се добијат и податоци за ненаселените станови, како и бројот на викендички и семејни куќи. Исто така, со пописот ќе се прибираат податоци за општата здравствена состојба на лицата.
Во Методологијата е дефинирано кој сè ќе влезе во вкупното резидентно население, што е најжешкото прашање за јавноста. Електронската апликација со која ќе се врши попишувањето, функционира на седум јазици. Во пописот ќе има графи за етничка и за верска припадност и за мајчин јазик. Методологијата содржи прецизни решенија за сите аспекти од пописот, па има и одредба како ќе се попишува граѓанин кој престојува земјата 11 месеци и 29 дена, што е границата по која не може да се најде во резидентните граѓани.
