Диск голф го освојува светот, а го нема во Македонија!? ↓↓↓
Министерот за надворешни работи, Никола Димитров, преку Фејсбук статус најави тужба за медиумот „Република“ доколку не го повлечат текстот во кој се вели дека и тој е вмешан во аферата „Рекет“ и тврди дека тоа е ноторна лага.
„Барам веднаш “Република” да ја повлече ноторната лага дека сум вмешан во случајот “Рекет” и да ми се извини за одвратната инсинуација во текстот чиј сам наслов нема врска со наводите внатре“, реагира министерот Никола Димитров.
„Во спротивно, прв пат во животот ќе тужам, реагира Димитров. Нема да дозволам пропагандата да ме валка во случај со кој јас немам апсолутно никаква врска.
Мене сосема ми е јасно дека мојот последен статус разбуди многу духови кои очигледно единствено се плашат од луѓе без дамка криминал во своите кариери и поважно – луѓе подготвени до последно да се борат за правда.
Очекувам и пропаганда и нечесна битка и мојот одговор секогаш ќе биде достоинствен, но истовремено и безмилосен кон криминалците и оние кои нив ги штитат преку дефокус и лаги.
Влегов во политиката за да го тргнеме срамот од очигледниот криминал и корупција и нема никогаш да престанам во борбата со ова црнило. Овие обиди, напротив, само укажуваат дека сум на правиот пат. Продолжете ноќта да ја нарекувате ден, нема да ви помогне. Реков – да се преброиме. Време е, се наведува во реакцијата наминистерот за надворешни работи“, Никола Димитров на ФБ.
