Државната изборна комисија едногласно ги отфрли предложените кандидатски листи на Социјалдемократската партија (СДПМ) на Бранко Јаневски за сите изборни единици, поради неисправни документи.
ДИК при повторното разгледување утврдила дека скоро сите листи на СДПМ во шесте изборни единици има неправилности. Кај поголем број кандидати било откриено дека нема датум на изјавите за прифаќање на кандидатурите за пратеник, и оти не може да се види за кои избори се поднесуваат. Исто така, ДИК утврдила и дека потписите на изјавите за неосудуваност и за прифаќање на кандидатурата се различни.
На листите имаше кандидати кои се викаат Рада Шукуроска од Прилеп и Стево Продановски од Зелениково.
Силвана Бонева побара да не се расправа за секоја листа по изборни единици, бидејќи неправилностите се евидентни и предложи Комисијата да ги отфрли листите на СДПМ. Игор Милев, пак, побара да се разгледуваат листите на СДПМ по изборни единици.
