Александар Вучковски - сомелиер: Како македонските вина го освојуваат светот? ↓↓↓
Калифорнија беше првата држава во светот која започна пилот-програма за воведување дигитални регистарски таблички.
Но сега тие излегуваат од пилот-програмата и ќе станат достапни за широките маси.
Благодарение на неодамнешниот закон (AB-984) кој штотуку беше усвоен, сега ќе биде легално сите во државата Калифорнија да користат дигитална регистарска табличка, пишува Телеграф.
Но, опциите за купување дигитални таблички се ограничени на само една компанија: „Reviver“.
„Reviver“ вели дека околу 10.000 калифорниски автомобили возат со нивните таблички како дел од пилот програма. Таа бројка несомнено ќе се зголемила бидејќи се зборува за нов закон со кој секој може да ги купи.
Доколку досега не сте виделе или слушнале за дигиталните табли „Reviver“, знајте дека тие користат монохроматски „HD“ дисплеј што може да се префрли помеѓу светли или темни режими (црна или бела позадина).
Тие се напојувани од батерии – „Reviver“ тврди дека траат пет години – но за комерцијални клиенти, „Reviver“ нуди жичено решение кое користи енергија од 12-волтната батерија на возилото.
Зошто би сакале вакви таблички?
Најголемата причина е веројатно естетиката.
Сепак, функциите за кои „Reviver“ вели дека доаѓаат во иднина вклучуваат семејни услуги и предупредувања, известување за украдени автомобили, интеграција на системот за патарина, предупредувања за дијагностика и одржување на возила и многу други.
