Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Диего Коста е надвор од тимот на Челзи бидејќи не е во плановите на тренерот Антонио Конте, меѓутоа сеуште е член на „сините“.
Бразилецот со шпански пасош во интервју за „Дејли мејл“ изјави дека Челзи го третира како криминалец и поради тоа бара од клубот да го ослободи. Притоа потврди дека сака да се пресели во Атлетико Мадрид и никаде на друго место.
„Чекам да ми дозволат да си заминам. Не сакав да си одам, бев среќен, но кога тренерот не ве сака во тимот тогаш мора да си одите. Во јануари требаше да потпишам нов договор, но тоа не се случи и претпоставувам дека тоа е одлука на тренерот“, изјави Коста.
„Сега ме третираат како криминалец. Не ми дозволуваат да тренирам со остатокот од тимот. Не ми дозволуваат дури да влегувам во соблекувалната. Ме казнуваат така што не ми ја исплаќаат платата, но мене парите не ме интересираат, сакам само што побрзо да ме пуштат да заминам“, додаде напаѓачот.
Коста вели дека негова единствена желба е да се врати во Мадрид, во тимот на Атлетико, и поради тоа ги одбил сите други понуди.
„Сакам до крајот на месецот Челзи да постигне договор со Атлетико. Ги одбив сите други понуди. Сакаа да ме продадат во Кина, но моја желба е да играм за клуб што јас ќе го одберам, а не во клуб што ќе понуди најмногу пари“, заклучи Диего Коста
