Кој ќе тепа на Ел Класико!? ↓↓↓
Тимур Дибиров е еден од играчите со најдолг стаж во Вардар и емотивно ќе го поднесе заминувањето од клубот.
Во пресрет на последниот натпревар на оваа генерација на „црвено-црните“ на домашен терен против ПИК Сегед во Лигата на шампионите, Дибиров со емотивен статус преку Инстаграм се прости од Македонија.
„Последен натпревар. Фала за се Македонија и Македонци“, напиша Дибиров со фотографија од големото славје на европската титула.
После најавите на сопственикот Самсоненко дека го прекинува финансирањето на клубот, Дибиров изјави дека Вардар и Македонија секогаш ќе ги носи во своето срце.
„Сергеј сигурно има свои причини за ова што се случува, тоа не е наша работа да е мешаме. Тешко ќе ми биде да ја напуштам Македонија. Сигурно тоа ќе биде со солзи. Тука поминав многу убави моменти. Вардар секогаш ќе биде нешто што ќе биде дел од мене“, изјави неодамна Дибиров.
