Времето во Македонија денеска, четврток, 18. мај, ќе биде променливо облачно, во утринските часови во источните делови со врнежи од дожд.
Околу пладне и попладне пообилни врнежи ќе има во западните делови, каде ќе биде и нестабилно со пороен дожд и грмежи. Попладне во источните делови облачноста ќе се намали.
Ќе дува слаб до умерен, а долж Повардарието на места засилен ветер од северен правец.
Во Скопје променливо облачно, претпладне со повремен дожд, а попладне со сончеви периоди. Ќе дува умерен до засилен ветер од северен правец. Дневната температура во Скопје ќе достигне до 19 Целзиусови степени, Маврово 11, Охрид, Крива Паланка и Берово 16, Битола 17, Кавадарци 20, Дојран 22.
Утре времето ќе биде сончево со мала облачност и со слаб ветер од северен правец. Во Скопје сончево со мала облачност. Дневните температури ќе се движат од 15 до 25 степени.
