Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Денес, на вториот работен ден од НАТО самитот во Лондон, Македонија ќе седне на масата со редовните членки и ќе може да дебатира за темите кои ќе се разговараат, ќе расправа како членка на НАТО, но, нема да има право на глас, пренесува Телма.
„Со учеството на состанокот на лидерите на земјите членки, нашата земја се претставува на највисоко ниво во работата на телата на Алијансата, и ја потврдува определбата за целосно споделување на принципите за заедничка безбедност и за градење силни трансатлантски односи со најмоќната воена и политичка алијанса заснована на демократски вредности, како основа за заеднички просперитет и за напредок на земјите членки“, се вели во денешното сооптение од Владата.
Освен што премиерот денеска е дел од состанокот на НАТО лидерите, тој потврди дека во текот на денот ќе се сретне со мандатарот на новата шпанска владина коалиција.
Кралството Шпанија е единствената земја членка на НАТО која поради политичка криза и неможност да формира стабилна влада досега не го ратификувала македонското членство во Алијансата.
Сега по последните избори, во Мадрид е конституиран парламентот и Заев очекува добри вести од Санчез иако не очекува информација за конкретен датум кога Македонија ќе го добие последното “Да” за столче и рамноправност во НАТО.
