Денес сослушана шефицата на кабинетот на Катица Јанева


Вака се слави гол во 120-та минута!!! ↓↓↓


Денес во Обвинителството за гонење на организиран криминал и корупција беше на распит шефицата на кабинетот на Јанева во СЈО.

Таа е трет вработен во СЈО кој дал исказ во рамки на истрагата за случајот со рекетот во кој осомничени и притворени се Бојан Јовановски-Боки 13 и Зоран Милески викан Кичеец.

Од обвинителството не откриваат детали од распитот во интерес на истрагата.

Досега не е повикана специјалната обвинителка во оставка Катица Јанева, чиј глас се слуша и во италијанските „бомби“.

Денеска требаше да сведочи и обвинителот надлежен за случајот Поштенска Банка на СЈО, но поради обврски на рочиште за предметот ТНТ, Бурим Рустеми го одложи сведочењето за утре.

Досега сведочеа и обвинителките во СЈО, Лиле Стефанова (надлежна во случајот Империја) и Елизабета Јосифовска (заменик на Јанева во СЈО која потпишала решение за отфрлање на притвор за Орце Камчев).