Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Ребека Блек во 2011 година стана позната шриум светот благодарение на песната Friday, која многу брзо ја стекна неблагодарната титула најомразена песна на YouTube.
Ребека тогаш имаше само 13 години, а Friday (петок) ја отпеа бидејќи тој е нејзиниот омилен ден од седмицата бидејќи е последен ден во школо пред викендот. Логично.
Тогаш многумина ја нападнаа Ребека со обвинувања дека е разгалено богаташко дете чии родители, за 2.000 долари, од компанијата Ark Music Factory купиле песна за својата галеничка и се обиделе да ја направат популарна, а на неа се нафрлија и голем број музички ѕвезди како Мајли Сајрус.
Денес Ребека има 20 години и уште се занимава со музика. Меѓутоа, нејзината музика денес звучи многу подобро од „најлошата песна на сите времиња“, како што многумина ја нарекоа Friday.
Освен музика, Ребека на YouTube денес објавува и влогови, а доста е активна и на Инстаграм. Неодамна се пофали дека била на најпопуларниот музички фестивал на светот, Coachella.
На Инстаграм ја следат 875.000 луѓе, па изгледа дека нејзината Friday, и покрај негативните критики, испадна корисна за неа. Нели, не постои лоша реклама.
