Александар Вучковски - сомелиер: Како македонските вина го освојуваат светот? ↓↓↓
Бразилскиот репрезентативец Дани Алвес после победата на ПСЖ во финалето на францускиот клуб испиша страница од фудбалската историја.
Имено, Алвес учествуваше во победата на ПСЖ над Монако од 3:0 во финалето на Лига купот во Франција и тоа за Бразилецот беше 36 трофеј во кариерата со што ги надмина Рајан Гигс и Кени Даглиш. Легендите на Манчестер Јунајтед и Ливерпул имаат по 35 освоени трофеи.
Алвес дури 23 трофеи освои со Барселона, пет со Севиља, два со Јувентус и четири со репрезентацијата на Бразил.
Шест пати ја освојуваше Ла Лига, по пет пати се радуваше во Супекупот на Шпанија и шпанскиот куп, четири пати во Суперкупот на Европа, три пати во Лигата на шампионите и Светското клупско првенство, два пати во УЕФА Купот и Купот на конфедеранциите…
Со оглед дека ПСЖ е на чекор од титулата во француското првенство наскоро Алвес ќе дојде и до 37 трофеј во кариерата, пишува Спортски.мк.
Иначе помеѓу играчите со најмногу освоени трофеи покрај Даглиш и Гигс се уште Виктор Баиа (33), Ваел Гом (32), Златан Ибрахимовиќ (32), Андрес Иниеста, Пике и Меси исто така имаат повеќе од 30, Пеле 29, Чави 28…
