Уствари викендов е затишје пред бура! ↓↓↓
Од позиција на менаџер за продажба во Романија, Дан Тимотин се преселува на новата работна позиција – генерален директор на Пивара Скопје.
Тимотин на директорската позиција доаѓа на местото од Владимир Косијер, кој заминува на нова раководна функција во системот на Coca-Cola HBC, како менаџер за продажба за Русија.
Од компанијата информираат дека Тимотин е искусен менаџер кој уште од 2011 година ја гради својата професионална кариера во системот на Coca-Cola HBC, извршувајќи различни лидерски функции во секторите за финансии и продажба.
„Доаѓањето на чело на тимот на Пивара Скопје е голем предизвик за мене, на кој јас искрено се радувам. Свесен сум за досегашната богата традиција, извонредните успеси и големиот придонес и значење што оваа компанија го има за целата земја. Лично се уверив и во високите квалитети што ги поседуваат вработените во Пивара Скопје“, изјави Тимотин.
