Александар Вучковски - сомелиер: Како македонските вина го освојуваат светот? ↓↓↓
Мистериозна суперјахта вредна 639 милиони евра, која е закотвена веднаш на брегот на Тоскана, го предизвика вниманието на експертската, но и на пошироката јавност кога излезе тврдењето дека е во сопственост на рускиот претседател Владимир Путин.
Повеќемина експерти веруваат дека му припаѓа на претседателот Путин, долга е неверојатни 139 метри, но тоа никогаш не е потврдено.
Италијанските органи на редот се забележани како ја истражуваат јахтата наречена „Шехерезада“ во обид да разјаснат кому му припаѓа. Капетанот на јахтата Гај Бенет-Пирс за Њујорк Тајмс изјави:
– Тие го бараат и внимаваат на секој аспект. Локалните полицајци не дојдоа, тоа се луѓе во темни костуми, немав друг избор освен да предадам документи. Никогаш не го видов Путин. Никогаш не сум го сретнал – рече тој, додавајќи дека не се сомнева дека негативните гласини за јахтата ќе се разјаснат и дека не е вистина дека тоа е пловилото на рускиот претседател.
Меѓутоа, според истражителите ангажирани од противникот на Владимир Путин и опозиционер Алексеј Навални (кој моментално е во затвор), откриено е дека бродот навистина му припаѓа на Путин и се верува дека тој најмува руски шпиони да го контролираат, пренесува „Дејли Стар“.
– Севкупно, на само првите два листа од списокот на екипажот можеме да видиме 23 лица, од кои речиси половината се поврзани со ФСО (Тајната служба). Дури и во Италија, илјадници милји од Москва, луѓе официјално наведени како обезбедување на Путин и личен персонал кој работи на неа. Истите луѓе кои се грижат за Путин во неговите резиденции и на неговите патувања, кои го водат неговиот живот, летаат заедно во Италија за да работат на една од најскапите јахти во светот. Не ми текнува подобар доказ дека оваа јахта му припаѓа на Путин.
Бродот сѐ уште е закотвен во Италија, а официјално соопштение за бродот сè уште нема.
