Диск голф го освојува светот, а го нема во Македонија!? ↓↓↓
За сите кои немаат чуено, ripple (XRP) е крипто-валута која, за разлика од децентрализирачкиот статус на повеќето други крипто-валути на чело со биткоинот, има централизирана моќ која се наоѓа во матичната компанија Ripple со седиште во Сан Франциско и сопствениците на оваа крипто-валута се познати.
Што е толку важно за оваа крипто-валута? Иако засега нејзината вредност е далеку зад биткоинот, сепак, кога сите крипто-валути стагнираа или беа во пад со вредносните цени во декември, оваа валута направи скок во вредноста од 33 насто.
Во последните неколку дена трговијата со биткоинот е помеѓу 13.000 и 15.000 долари, етурум осцилира помеѓу 700 и 800 долари и кај нив нема преголеми скокови, дури по вестите за воведување посилна регулатива во Јужна Кореја имаше нешто поголеми падови на цената, кои се преселија на неколку најголеми алтернативни крипто-валути.
Минативе два дена ripple е во пораст. Само за еден ден неговата цена се зголеми за 30% и се движи на ниво од 2 долари. Колку е тоа многу за „rippple“ зборува и фактот дека тој на 10 декември се тргуваше по цена од 0,35 долари.
„Rippple“ по пазарната капитализација ја надмина границата од 70 милијарди долари и накратко го претекна етурем на пазарот со криптовалутите.
