Дали ќе згасне Утрински весник: Ултиматум – или откази за 10 новинари, или затворање на весникот


Вака се слави гол во 120-та минута!!! ↓↓↓


И јас сум Утрински. Вакви статуси на Фејсбук објавија десетици сегашни и поранешни новинари на Утрински весник, по информациите кои се појавија во јавноста дека постои можност да згасне овој дневен весник што е дел од групацијата МПМ.

Според неофицијалните информации од редакцијата, менаџментот на МПМ поставил ултиматум – или да заминат десет новинари или да згасне целосно весникот. Наводно новинарите имаат рок до утре да ја кажат својата одлука. Како причина за ова кастрење се зборува дека е тешката финансиска состојба.

Информацијата засега ниту ја потврдува, ниту ја демантира раководството на компанијата. За последните случувања со Утрински, Здружението на новинари на Македонија и Самостојниот синдикат на новинари и медиумски работници за утре најавија прес-конференција.

Инаку деновиве во помали тиражи се печатат и трите весници под закрила на МПМ Дневник, Вест и Утрински весник, а како причина наводно е немањето на хартија за печатење и намалување на трошоците.

Првиот број на Утрински весник излезе на 23 јуни 1999 година.