Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Хрватскиот остров Крк во четвртокот беше погоден од земјотрес со јачина од 4,8 степени според Рихтеровата. Земјотресот се почувствува низ цела Хрватска, но и во соседството. Во текот на денот следеа многубројни, но послаби потреси. Овие земјотреси, но и други сеизмолошки активности ги коментираше сеизмологот Сњежан Преволник во ТВ Дневник Нова.
„Оваа област каде што се случи земјотресот е една од трите најасеизмички активни области во Хрватска, а максималната проценета магнитуда за таа област е 6,5 степени според Рихтеровата скала“, рече Преволник.
Тој објасни и кои се најактивните области во Хрватска.
„Во последните три години бевме сведоци дека активноста се одвива токму на оние подрачја кои според картата на сеизмичка опасност се издвоени како три најсеизмички активни: поширокото Загребскиот регион – каде имавме силни земјотрес и Петриња, потоа Кварнер и хрватското крајбрежје и областа каде што сеизмичката активност е најголема, тоа е во јужна Далмација. Тоа е област каде се очекуваат почесто да се случуваат посилни земјотреси, а таму максималната магнитуда се проценува на 7,5 степени“, објасни сеизмологот.
Тој вели дека не може да се каже дека земјотресот во Турција го предизвикал овој земјотрес во Крк.
„Ние сеизмолозите секогаш велиме дека земјотресите генерално се поврзани бидејќи нивните причини се исти, а тоа се геодинамички процеси во внатрешноста на Земјата. Но, апсолутно не можеме да кажеме дека земјотресот во Турција го предизвикал овој земјотрес, објасни Преволник.
