Силна светлина и силен татнеж вчера вечерта беа забележани во северозападна Бугарија.
Порталот Новини.бг објави дека причината за тоа најверојатно била пад на метеорит, во 21.49 часот.
Жители на местата Видин, Монтана, Берковица и Белоградчик пријавиле дека виделе светлина и силна бучава.
Други очевидци коментирале дека и во Софија се осветлило небото.
„Околу 22 часот се слушна татнеж на територијата на Видинско. На терен веднаш се испратени екипи на МВР на Видин, кои извршиле увид. На лице место нема извештаи за повредени лица, предизвикани пожари, ниту материјална штета“ – соопштија од полицијата.
Романските власти информираат дека се работи за метеорит кој најверојатно експлодирал во воздух.
Многумина и во Македонија тврдат дека ја виделе светлината.
