Ај не заебавај

Дали Чарли Чаплин е оригинален автор на најпознатото меме на денешницата

Освен ако изминатава една година не сте ја поминале затворени во визба, без смартфон и интернет конекција, тогаш сигурно имате видено некоја од илјадниците верзии на „момчето меркач“, меме кое прикажува дечко кој се мерка друга девојка, држејќи ја својата девојка за рака.

Меѓутоа, иако ова меме настана од класична „stock“ фотографија, изгледа дека таа сцена не е така нова како што се мислеше.

Интернетот нема да биде тоа што е – непресушен извор на информации, ако најпосветените интернет корисници не ископаа сцена во која легендарниот актер и комичар Чарли Чаплин е во истата поза како дечкото на современото меме, а која потекнува од 1922 година и е сцена од филмот Pay Day.

Филмот ја раскажува приказната за типот кој напорно работи, но никако да му тргне во животот. Сè што ќе заработи како на магичен начин да исчезнува, особено кога ќе си појде дома каде што го чека неговата сопруга.

Во една од сцените од тој филм, Чаплин стои на улица и гледа во друга жена, додека неговата сопруга (без да знае тој) стои веднаш зад него. Токму овој кадар неодоливо потсетува на денес веројатно најпопуларното меме. А не требаше ни да помине долго време за самиот исечок од филмот со Чаплин да стане популарно меме.

loading...
Најсвеж македонски забавен портал... и нешто повеќе!


Учество во игри на среќа е дозволено за лица со 18+ години. Играј одговорно!

To Top