Александар Вучковски - сомелиер: Како македонските вина го освојуваат светот? ↓↓↓
Астрономите неодамна ги снимија досега најчудните брзи радио сигнали (FRB), кои не само што се повторувачки, туку се појавуваат и во редовен циклус од 16 дена.
Повторувачките FRB, кога станува збор за не само еден интервал, туку повеќе од еден по ред, се многу ретки и особено го привлекуваат вниманието на научниците,а особено биле изненадени астрономите кога забележале дека FRB 180916.J0158 + 65 се повторува на секои 16,35 дена. Оваа необична фреквенција испушта сигнал или два на секои четири часа во тек на четири дена, а потоа е неактивна во наредните 12 дена , за потоа да го повтори циклусот, пренесува Science Alert.
Астрономите го следат овој циклус 409 дена користејќи го телескопот CHIME, кој се наоѓа во долината Оканаган, во канадската покраина Британска Колумбија.
Минатата година, научниците од CHIME објавија дека откриле осум нови повторливи FRB,. Досега забележале над 150 од нив, повторливи и еднократни.
FRB 180916.J0158 + 65 е меѓу овие осум новооткриени, но не е особено истакнат на почетокот. Само по долг период на набљудување, астрономите утврдиле дека има необичен образец во неговото однесување.
„Периодот на активност од 16,35 дена е важен показател за природата на овој објект“, напишале научниците во студијата објавена во arXiv.
Периодичните објекти во вселената можат да бидат системи на бинарни sвезди и црни дупки. Период од 16,35 дена може да укаже на орбитата на ѕвездата, при што ФРБ се појавува пред Земјата само за време на одреден дел од орбитата.
Може да биде и активност на црна дупка. Поточно, FRB 180916.J0158 + 65 е еден од неколку FRB за кои научниците успеаја да утврдат каде приближно се наоѓаат во вселената. Неговиот извор се наоѓа на периферијата на спирална галаксија која е оддалечена 500 милиони светлосни години. Ова значи дека веројатно не станува збор за супермасивна црна дупка (обично лоцирана во центарот на галаксијата), но можно е дека станува збор за sвездена маса. Во овој случај, придружниот предмет или прилични нарушувања од црната дупка повремено може да го блокираат зрачењето на FRB на некој начин.
Не може да се исклучи дека изворот на оваа FRB е единечен, осамен објект како што е магнет, неутронска ѕвезда со екстремно силно магнетно поле или пулсар, брзо-ротирачка неутронска sвезда, но ова објаснување не одговара на постојните податоци.
Помалку популарно објаснување е дека станува збор за еден вид туѓо вселенско летало произведено од технолошки напредна туѓа цивилизација. Астрофизичарот Ингрид Стерс не смета дека оваа опција е веројатна.
„FRB доаѓаат од различни насоки и од различни растојанија, така што веројатно тие доаѓаат од различни галаксии“, вели Стерс.
„Ми се чини многу малку веројатно дека толку различни туѓи цивилизации ќе произведат ист вид сигнал на ист начин“, објасни таа.
