Home Актуелно Четврток со температури и до 40 Целзиусови степени

Четврток со температури и до 40 Целзиусови степени

Претпоследниот јулски ден во Македонија носи сончево и многу топло време. Ќе дува слаб до умерен ветер од североисточен правец. УВ индексот ќе биде висок – 9. Утринската температура ќе се движи од 14 до 24 степени, а дневната од 30 до 40 Целзиусови степени.

Во Скопје слично време со утринска температура до 18 и дневна температура до 38 степени. Маврово 31, Охрид 34, Битола 36, Крива Паланка и Берово 33, Кавадарци и Дојран 40 степени.

Многу топло ќе биде до петок до кога максималните температури насекаде ќе бидат над 30 степени, а во југоисточните делови од земјава до 40 степени. Во сабота ќе има зголемена облачност и ќе има услови за локална нестабилност со краткотраен пороен дожд и грмежи, а од недела ќе настапи повторно стабилизирање на времето.

Поради топлото време од Црвениот крст на Град Скопје најавија дека мобилни тимови ќе делат вода низ централното градско подрачје и поголемите автобуски постројки. Мобилните тимови ќе бидат на терен во периодот од 10 до 16 часот. Се планира дистрибуција на 800 шишиња или 400 литри вода на дневна основа.

Вчитај повеќе поврзани статии
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…