Александар Вучковски - сомелиер: Како македонските вина го освојуваат светот? ↓↓↓
Британската кралица Елизабета II по само четврт пат од кога е крунисана на кралскиот престол на Велика Британија, се обрати до нацијата на земјата.
Приспособувајќи ја воената порака на актуелната ситуација, британската кралица Елизабета Втора ги увери Британците дека со „обединетост и решителност“ ќе ја победат пандемијата на коронавирусот.
Her Majesty The Queen addresses the UK and the Commonwealth in a special broadcast recorded at Windsor Castle. pic.twitter.com/HjO1uiV1Tm
— The Royal Family (@RoyalFamily) April 5, 2020
Ова беше нејзино само четврто специјално обраќање до јавноста од крунисувањето во 1953, и кралицата им се заблагодари на здравствените работници, кои „несебично ги продолжуваат секојдневните обврски надвор од домовите за доброто на сите нас“.
Таа ѝ се заблагодари на британската јавност за останувањето дома и одржувањето на моралот, истакнувајќи дека „атрибутите како самодисциплината, тивкоста, позитивната решителност и сочувството сѐ уште ја карактеризираат земјата“.
Кралицата ја спореди изолацијата на современите Британци со онаа што ја преживеале децата евакуирани од Лондон во текот на Втората светска војна. Кога германските бомби паѓале врз британската престолнина во 1940, тогашната принцеза Елизабета им се обратила на евакуираните деца заедно со нејзината сестра, принцезата Маргарет.
Иако кралицата истакна дека „нѐ очекуваат подобри денови“, таа рече и дека „има уште многу да се истрпи“.
