Кој ќе тепа на Ел Класико!? ↓↓↓
Е.Л.Џејмс, авторката на плантарниот книжевен феномен „50 нијанси сиво“, се враќа со ново, четврто продолжение на популарниот еротски серијал.
Книгата под наслов „Grey“ (Сива), ќе биде објавена на 18 јуни, соопштија од издавачката куќа Vintage Books.
Овој пат приказната е раскажана од „машки агол“ т.е. од аголот на милијардерот Кристијан Греј, чија жешка романса со младата Анастазија Стил стана опсесија од меѓународни размери.
Британската писателка наведе дека новата книга е посветена на читателите кои ја „молеле и молеле и молеле“ да го напише романот каде наратор ќе биде Кристијан.
„Кристијан е комплексен лик и читателите од самиот почеток беа фасцинирани од неговите желби и мотивации, како и неговото проблематично минато“, наведе Џејмс.
„Како што знае секој кој бил во врска, во секоја приказна постојат две страни“, истакна таа.
Од издавањето на првиот роман во 2011 година, трилогијата „50 нијанси“ продадена е во повеќе од 125 милиони примероци и ги собори рекордите во продажба, како на печатени така и на електронски изданија.
