Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Фудбалскиот клуб Челзи ја доби градежната дозвола за проширување на стадионот „Стенфорд Бриџ“. За тој проект клубот ќе потроши 500 милиони фунти, а капацитетот на стадионот ќе се зголеми за 19.500 места.
Капацитетот на „Стенфорд Бриџ“ изнесува 41.629 места, а со проширувањето овој стадион ќе има околу 60.000 места. Клубот ја доби градежната дозвола од општината Хамерсмит и Фулам. Конечниот збор треба да го има градоначалникот на Лондон Садик Кан, но се очекува тоа да биде само формалност, што значи дека Челзи наскоро ќе може да започене со проектот на реновирање.
Според плановите на клубот реновираниот стадион за натпревари ќе биде подготвен од сезоната 2021/2022. Во меѓувреме Челзи своите натпревари би ги играл на „Вембли“ или на стадионот за рагби Твикенхем.
Раководството на „сините“ очекува зголемениот капацитет да донесе и помлада публика, со оглед на тоа дека просечната возраст на сопствениците на сезонски билети изнесува 55 години.
