Диск голф го освојува светот, а го нема во Македонија!? ↓↓↓
Легендата на Рома, Даниеле де Роси реши да не оди во пензија и ќе ја прифати понудата на аргентинскиот гигант Бока Јуниорс.
„Скај Италија“ тврди дека Де Роси веќе кажал конечно ДА и во наредните денови треба да пристигне во Буенос Аирес да го финализира трансферот.
36-годишниот Италијанец имаше понуди од Фиорентина, Болоња, Лос Анџелес и од јапонски клубови, но никогаш не ги криел симпатиите кон Бока Јуниорс.
Олеснителна околност е што во Бока спортски директор е поранешниот негов соиграч, Николас Бурдисо. Тие се блиски пријатели, и уште во средината на мај, Бурдисо самиот објави дека вратите на Бока се „широко отворени за играчи од калибарот на Де Роси“.
Легендарната „Бомбониера“ ќе добие нов „Гладијатор“, а навивачите сигурно ќе му приредат пречек за паметење.
