Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Изминатата ноќ со натпреварот помеѓу Бразил и Парагвај започна нокаут фазата од Копа Америка.
Бразил беше фаворит против Парагвај, но фаворитската улога „Кариоките“ ја оправдаа дури после изведувањето на пенали, откако во регуларниот дел не видовме погодоци.
Во овој натпревар уште еднаш се покажа од колкава важност е ВАР затоа што доколку го немаше Бразил ќе имаше голема шанса да однесе победа во регуларните 90 минути. Имено, во 55-тата минута главниот судија на натпреварот досуди пенал, но после реакцијата од ВАР ја смени одлуката и „Кариоките“ добија само слободен удар.
Се играше 58-та минута кога репрезентативецот на Парагвај Балбуена заработи директен црвен картон. Меѓутоа и покрај тоа Бразил не го пронајде патот до мрежата.
Во пенал серијата за Бразил прецизни беа Вилијан, Маркињос, Кутињо и Хесус, а промаши Фирмино. Кај Паргвајците промашија Гомез и Гонзалез, додека поуспешни од Алисон беа Алиморн, Валдез и Ројас.
Во полуфиналето Бразил ќе го чека подобриот од денешниот натпревар помеѓу Венецуела и Аргентина.
