Спорт

„Бомба“ од Шпанија: Пјаниќ го напушта Јуве и се сели во…

Шпанскиот медиум „Диарио Гол“ лансираше вистинска „бомба“ и тврди дека Миралем Пјаниќ би можел да го напушти Јувентус уште во зимскиот преоден рок.

Имено, медиумот тврди дека Реал Мадрид бара замена за Лука Модриќ, кој е на излезна врата од „Сантиаго Бернабеу“ и во Пјаниќ гледаат идеална замена за Хрватот.

„Пјаниќ веќе ја освои Серија А и се што можеше да се освои во Италија, па сигурно ќе сака нова авантура во друга лига, а Реал Мадрид е клуб кој не може да го одбие“, пишува „Диарио Гол“.

Меѓутоа, Манчестер Јунајтед исто така покажува силен интерес за Босанецот и е спремен да плати 85 милиони фунти за неговиот потпис.

28-годишниот плејмејкер има договор со „старата дама“ до 2023 година, но наводно е заситен и смета дека е вистинско време за нова авантура.

Сепак, тешко е да се поверува дека Јувентус ќе му дозволи да замине на средина од сезоната, особено поради фактот што Пјаниќ е важна алка во тимот кој сака да освои Лига на шампиони.

Loading...
Најсвеж македонски забавен портал... и нешто повеќе!


Учество во игри на среќа е дозволено за лица со 18+ години. Играј одговорно!

To Top