Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Италијанските медиуми лансираа „бомба“ и тврдат дека Алваро Мората е главна трансфер цел на Милан во летниот преоден рок.
Шпанскиот напаѓач пред почетокот на сезоната пристигна во Челзи како големо засилување од Реал Мадрид за сума од 60 милиони фунти, но после само една сезона може да го напушти „Стенфорд Бриџ“.
„Сините“ се спремни да го пуштат Мората, но само во случај да пристигне понуда вредна 60 милиони евра.
Веќе неколку недели медиумите тврдат дека Јувентус е фаворит за неговиот потпис, но во трката за Мората се вклучи и Милан.
Имено, денес „росонерите“ имаа средба со неговиот агент, кој наводно дал зелено светло за трансферот бидејќи Мората по секоја цена сака да се врати во Италија.
Јувентус не е спремен да плати 60 милиони евра и од Челзи бара да дозволи двегодишна позајмица со право на откуп, но „сините“ не се сложуваат со таквата понуда.
Од друга страна Милан е спремен да ја плати споменатата сума, бидејќи ова лето ќе се раздели од Калиниќ и Андре Силва.
Мората, иако преферира да се врати во Јувентус, не ја исклучува можноста да го облече дресот на Милан, бидејќи на „Сан Сиро“ ќе биде прв избор.
