Диск голф го освојува светот, а го нема во Македонија!? ↓↓↓
Италијанскиот шампион Јувентус се вклучи во трката по Нејмар, кој е на излезна врата од Пари Сент Жермен.
Нејмар јавно истакна дека сака да го напушти ПСЖ, а најсериозни кандидати за неговиот потпис беа Барселона и Реал Мадрид, но сега во трката за неговиот потпис се вклучи и Јувентус.
„Бјанконерите“ посакуваат тандем Нејмар – Кристиано Роналдо и се спремни да го понудат Пауло Дибала плус 100 милиони евра за потписот на Бразилецот.
Притоа, Јувентус е подготвен да му плати на Бразилецот 37 милиони евра, исто колку што добива во Франција.
Нејмар преферира да се врати во Барселона, но е спремен да ја прифати понудата на „старата дама“ бидејќи сака по секоја цена да замине од ПСЖ.
Проблем за Барса е и тоа што ПСЖ не сака да се откаже од Нејмар без обезбедена негова замена, а „светците“ токму во Дибала гледаат негова идеална замена.
