Александар Вучковски - сомелиер: Како македонските вина го освојуваат светот? ↓↓↓
Народната банка соопшти денеска дека растот на македонската економија оваа година ќе изнесува 2,3 проценти.
Гувернерот на НБРМ, Димитар Боговна денешната прес конференција изјави и дека во периодот 2016-2018 година се очекува закрепнување на економскиот раст и во наредната година да достигне 3,5 проценти, а во 2018 година 3,7 проценти.
Според него, се очекува по изборите состојбите да се нормализираат и во наредната година да има стабилизирање на домашното опкружување. Носители на растот за годинава, како што информира се инвестициите и увозот, а дополнителен импулс дава и приватната потрошувачка. Растот на БДП годинава ќе биде помеѓу основното и алтернативното сценарио, односно меѓу 3,5 проценти и 1,6 проценти.
Стапката на инфлација за 2016, според најновите проекции, треба да изнесува нула проценти наспроти очекуваната од 0,5 проценти во април. Богов заклучи и дека ризиците и натаму постојат, како надворешните така и домашната политичка состојба. Економските основи, како што рече, се солидни, а при стабилни трендови во текот на третиот квартал не е направена промена во монетарната политика.
