Александар Вучковски - сомелиер: Како македонските вина го освојуваат светот? ↓↓↓
Проценката на богатството на сновачот на Фејсбук, Марк Закерберг, достигна сума од 100 милијарди долари, откако социјалната мрежа започна со нова услуга на куси видеа, пренесе Би-би-си.
Компанијата пред два дена ја промовираше „Инстаграм Рилс“, конкурентна на контроверзната кинеска апликација „ТикТок“. Акциите на Фејсбук вчера скокнаа над 6 проценти, а уделот на Закерберг е 13 отсто.
Во клубот на супербогаташи со имот над 100 милијарди долари, Закерберг им се приклучи наосновачот на „Амазон“, Џеф Безос и Бил Гејтс на „Мајкрософт“.
Шефовите на технолошките гиганти во последно време се наоѓаат под лупа заради постојаниот раст на моќта и личното богатство на нивните компании.
Фејсбук, Амазон, Епл и Гугл се меѓу најголемите победници на карантинот, поради пандемијата на коронавирус, бидејќи сè повеќе луѓе купуваат, се забавуваат и се дружат преку Интернет.
Богатството на Закерберг се зголеми за повеќе од 22 милијарди долари оваа година, а повеќе од 75 милијарди долари на Безос, според податоците на Блумберг.
