Бившите членови на ДИК уште една година „ќе кркаат“ по 1.000 евра месечно


Вака се слави гол во 120-та минута!!! ↓↓↓


Чичаковски и останатите бивши членови на ДИК ќе земаат апанажа во период од една година после нивните оставки од комисијата.

Одобрено им е барањето на петмина поранешните членови на Државната изборна комисија, вклучувајќи го и претседателот, Александар Чичаковски, кои побараа апанажа откако си поднесоа оставки. Комисијата за избори и именувања на денешната седница одлучи да го прифати нивното барање.

Апанажа во траење од една година, освен на Чичаковски, ќе им се исплаќа и на членовите од СДСМ, Виолета Дума и Игор Милев, на Силвана Бонева од ВМРО-ДПМНЕ и Субхи Јакупи од ДУИ. Тоа значи дека уште една година ќе добиваат државни плати од над илјада евра.

Другите тројца членови – Реџеп Прекопуца, Атанас Урумов и Сашо Срцев кои поднесоа оставка не побарале апанажа, бидејќи се враќаат на претходните работни места.