Диск голф го освојува светот, а го нема во Македонија!? ↓↓↓
Премиерлигашот Арсенал од вчера официјално започна нова ера која ќе ја предводи шпанскиот стратег, Унаи Емери.
После цели 22 години „топџиите“ го сменија кормиларот и со Унаи Емери ќе тргнат во поход кон нови успеси.
Англиските медиуми пренесуваат дека шпанскиот стратег нема да прави големи промени во тимот и дека ќе донесе две до три засилувања ова лето.
На голот и наредната сезона со сигурност ќе биде Петр Чех, а планот на Емери е да донесе еден врвен дефанзивец. Единствената измена во одбраната би требало да биде Сократис Папастатопулос, кој е блиску до трансфер на „Емирати“.
Во средниот ред не се очекуваат многу измени, бидејќи Хенрих Мкитаријан е еден од новите играчи во клубот, а Арон Рамзи и Месут Озил имаат долгогодишни договори. Единствено име кое веројатно ќе биде заменето во стартниот состав е Гранит Џака, а на неговото место би требало да пристигне Стивен Нзонзи, кој е еден од омилените играчи на Емери од деновите во Севиља.
Нападот ќе го предводи Обамејанг, тука се уште Лаказет и Велбек, па Емери единствено може да донесе само еден крилен напаѓач.
