Барселона го совлада Атлетико Мадрид, со што значително се доближи до титулата во Примара, но го загуби еден од најважните фудбалери.
Капитенот на Барселона, Андрес Иниеста, во 22-та минута се здоби со повреда на задната ложа, па мораше да биде заменет.
Каталонскиот клуб по натпреварот потврди дека станува збор за истегнување на мускулот, па под знак прашалник е неговиот настап против Челзи, следната недела во рамките на Лигата на шампионите.
Иниеста е фудбалер кој во тој меч би бил од големо значење за Ернесто Валверде, па сигурно неговото отсуство ќе биде голем удар за Каталонците.
