Барса се согласи: Ракитиќ се сели во големиот ривал на Каталонците


Вака се слави гол во 120-та минута!!! ↓↓↓


Иднината на Иван Ракитиќ сигурно ќе биде „жешка“ тема во зимскиот преоден рок.

Хрватскиот плејмејкер не е задоволен од статусот и минутажата која ја добива оваа сезона во Барселона, па сериозно размислува да ја промени средината.

Барселона веќе му ја отвори излезната врата и е спремна да го пушти доколку пристигне адекватна понуда, па веќе на големо се шпекулира за неговата иднина.

Најсилен интерес за неговиот потпис покажуваат миланските гиганти Интер и Милан, но сега „Марка“ тврди дека Ракитиќ би можел да се пресели во Мадрид и да го облече дресот на Атлетико.

Самиот Ракитиќ претпочита да остане во Шпанија поради своето семејство, а Симеоне покажува силен интерес да го доведе во своите редови.

Барселона нема ништо против да го пушти Ракитиќ во редовите на големиот ривал, бидејќи наводно „јорганџиите“ се спремни да платат 40 милиони евра за Хрватот.