Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Сагата околу новиот договор на Лионел Меси сеуште трае, а Барселона со сите сили се обидува да ја продолжи соработката со еден од најдобрите фудбалери на светот.
До договор се уште не е дојдено, а наводно проблем се големите финансиски барања на аргентинскиот фудбалер.
Шпанските медиуми пренесуваат дека Меси сака многу поголема плата со која би бил најплатениот фудбалер на светот. Сепак, челниците на Барселона порачаа дека во овој момент не се во можност да ги исполнат неговите желби и се надеваат дека на крајот ќе успеат да се договорат.
„Мундо Депортиво“ пренесува дека Барселона ја разгледува можноста да продаде двајца фудбалери со што би собрала пари во буџетот, а воедно би се ослободила од високите плати на двајцата играчи со што би имале пари да го покријат новиот договор на Меси. Наводно, Каталонците се подготвени да ги продадат Арда Туран и Иван Ракитиќ со цел Меси да остане на „Камп Ноу“.
Каталонците од продажбата на Арда Туран очекуваат околу 30 милиони евра, додека за Ракитиќ можат да добијат 40 милиони евра. Туран има понуди од Кина, додека за хрватскиот репрезентативец заинтересирани се Манчестер Јунајтед и Манчестер Сити.
